„Летото 2019 година го поминавме во прекрасниот Минхен, каде што секако имаше многу да се види и одлично си поминавме. Поддршката во секое време од Посредник ни беше од голема помош и задоволни сме. Ја препорачуваме студентската работа во текот на летото на сите што сакаат да патуваат и да заработуваат во исто време“

Сè на сè, одлично искуство, одлична шанса да се запознаете со културата и начинот на живот во Германија и да заработите пари во исто време. Убава шанса што ја имаш само додека си студент, па мислам дека не треба да се пропушти. За 2 месеци стекнувате многу нови искуства во животот.

Моето искуство со Work and Travel програмата е многустрано, почнувајќи од социјален аспект, запознавање со други студенти со кои го делевме работното искуство и усовршување. Живеењето и работењето без директна помош на родителите ми помогна за поголема самостојност. Оваа програма ја препорачувам на сите како начин за стекнување нови искуства, учење на нови вештини и истражување на светот.

„Можноста да работам во компанија која е директно поврзана со моето поле на студии беше одлична. Она што го дознаваме за производството во автомобилската индустрија на Машинскиот факултет во Скопје, имав можност да го видам лично. Ние произведуваме делови за една од најголемите автомобилски компании во светот, како што се Фолксваген и БМВ. На секој што се двоуми ја препорачувам програмата Work & Travel. Моето искуство беше одлично, ја запознав германската култура и имав одлична заработка“.

Сезонската студентска работа преку Work & travel програмата за мене беше голем предизвик. Работата воопшто не е напорна, напротив едноставна и забавна, во зависност од природата на позицијата. Патувањата и истражувањата кои ги имавме во слободното време се исто така многу убав момент. Ова искуство може да биде извор на самопостигнување и личен развој.