Регулатива за Западен Балкан · Westbalkanregelung

Работа во Германија со работна виза

Државјаните на Македонија, Србија, Босна и Херцеговина, Косово, Албанија и Црна Гора можат да добијат работна виза за Германија без диплома. Потребен е договор со германски работодавач. Ние ти го наоѓаме работодавачот и те водиме до визата.

  • Без диплома и без услов за занимање
  • Договор директно со германскиот работодавач
  • 10 години искуство: почнувајќи од 2017
Работна виза§ 26 BeschV
MUC
Минхен Support Team
DE
работа низ цела Германија
Диплома
не е услов
Работа
секое занимање
Договор
со работодавач
Плата од
14,60 € / час
Важи за државјани на
MKRSBAXKALME
6 државиМК, СРБ, БиХ, Косово, АЛ, ЦГ
Без дипломане е услов за работа
Долгорочновиза со можност за продолжување
10 годинивработуваме во Германија
Што е регулативата за Западен Балкан

Најлесниот законски пат до работа во Германија

Регулативата за Западен Балкан (на германски Westbalkanregelung, § 26 став 2 од Уредбата за вработување) им дозволува на државјаните на шесте земји од Западен Балкан да добијат работна виза за Германија за речиси секоја работа. Не се бара диплома ниту одредено занимање. Се бара конкретна работна понуда од германски работодавач и согласност од германската Агенција за вработување.

Државјанство

Пасош од една од шесте држави.

МакедонијаСрбијаБосна и ХерцеговинаКосовоАлбанијаЦрна Гора

Работна понуда

Договор или обврзувачка понуда од работодавач во Германија. Без тоа не се поднесува барање.

Исти услови како домашните

Плата и работно време како за германски работник на исто место. Платата мора да ги покрива трошоците за живот.

Без азил во последните 2 години

Во последните 24 месеци да не си примал помош како барател на азил во Германија.

Чисти податоци за претходни престои

Ако порано си бил во Германија или ЕУ, престојот мора да бил законски: без надминат престој, нелегална работа, протерување или забрана за влез. Кажи ни ги искрено сите претходни престои, тоа е многу важно.

Имаш 45 години или повеќе? При прво барање се бара бруто плата од најмалку 55.770 € годишно (износ за 2026) или доказ за пензиско осигурување. За регулирани занимања, на пример лекар или медицинска сестра, и понатаму е потребно признавање на дипломата.
Плата

Колку се заработува во Германија?

Од 1 јануари 2027 минималната плата е 14,60 € бруто на час. Многу работни места плаќаат повеќе, особено со смени, ноќна работа и искуство.

Износот е бруто. Од него се одбиваат данок и социјално осигурување. Со тоа добиваш здравствено осигурување и пензиски стаж во Германија. Нето платата зависи од даночната класа.

Месечна бруто плата
2.685 €
околу 32.220 € бруто годишно
Работни места

Каква работа можеш да добиеш

Регулативата важи за секое занимање. Ова се областите во кои имаме најмногу работодавачи.

Достава

Доставувач на пратки

Достава со комбе, со возачка Б категорија. Постојан договор и платена обука.

Магацин

Логистика

Сортирање, пакување и товарење. Работа во смени, често доволен основен германски или англиски.

Фабрика

Производство

Работа на линија, монтажа, контрола на квалитет, ракување со машини.

Објекти

Чистење и одржување

Хотели, канцеларии, болници и индустриски објекти.

Угостителство

Гастрономија и хотели

Кујна, послужување, собарки, помошен персонал.

Занаети

Градежништво и техника

Градежни работници, електричари, водоинсталатери, монтери.

Продавници

Трговија

Продавници за мода и малопродажба: рафтови, магацин, каса, помош на купувачите.

Силна база во Минхен, работа низ цела Германија

Најмногу работодавачи имаме во Минхен и Баварија. Работни места имаме и во други градови низ Германија.

Каде работеле нашите кандидати

Во изминатите години, заедно и во соработка со други партнери, нашите кандидати беа пласирани и вработени во овие компании:

AmazonDHLMercedesBMWAirbusKühne + Nagelи многу други
Постапка

Како до работна виза за Германија, чекор по чекор

Шест чекори. Кај секој пишува кој ја врши работата.

  1. Регистрирај се и пополни CV

    Отвори бесплатен профил и пополни го твоето CV внимателно. Тоа е првото нешто што го гледа германскиот работодавач.

    Ти
  2. Разговор со нас и со работодавачот

    Гледаме кои работни места одговараат на твоето искуство и јазик, па те поврзуваме со работодавач. Разговорот обично е онлајн.

    Ние + ти
  3. Договор за работа

    Работодавачот ти испраќа договор или обврзувачка понуда. Договорот го потпишуваш директно со него.

    Работодавачот
  4. Согласност од германската Агенција за вработување

    Работодавачот поднесува барање за претходна согласност (Vorabzustimmung). Со неа постапката за виза оди побрзо.

    Работодавачот, со наша помош
  5. Термин во амбасада и виза

    Со договорот и согласноста закажуваш термин во германската амбасада во твојата држава и поднесуваш барање за работна виза.

    Ти, со наши упатства
  6. Доаѓаш и почнуваш

    По пристигнување се пријавуваш на адреса и добиваш дозвола за престој од канцеларијата за странци. Ние остануваме достапни и по почетокот.

    Ти, ние сме покрај тебе
Колку се чека

Квота и време на обработка

Германија одредува годишна квота за оваа регулатива, поделена по месеци и по државјанство. Затоа времето на чекање не е исто за сите држави.

Се обработува тековно

Македонија, Србија, Босна и Херцеговина, Црна Гора

Барањата за согласност се обработуваат како што пристигнуваат.

Со чекање

Косово и Албанија

Месечната квота брзо се пополнува, па барањата чекаат неколку месеци.

Состојба според германската Агенција за вработување на 14 октомври 2026. Чекањето за термин во амбасада е посебно и зависи од амбасадата. Не можеме да гарантираме рок ниту виза: одлуката ја носат германските органи.

Документи

Што обично ти треба

Точниот список го дава германската амбасада во твојата држава. Ова се документите што се бараат најчесто.

  • Профил и CV на Posrednik24На германски или англиски, со фотографија.
  • Важечки пасошСо доволно важност за целиот период на договорот.
  • Договор за работаИли обврзувачка понуда од германскиот работодавач.
  • Претходна согласност (Vorabzustimmung)Ја добива работодавачот од германската Агенција за вработување.
  • Барање за виза и биометриски фотографииОбразецот е на страната на амбасадата.
  • Дипломи и сведоштва, ако ги имашНе се услов, но помагаат за подобра работа и плата.
Твоето CV

Доброто CV може да одлучи каква работа ќе добиеш

Германскиот работодавач не те познава. Гледа само што си напишал. Затоа вложи време и пополни го CV-то добро и професионално. Тоа може да биде одлучувачко за да добиеш добра работа.

  • Запиши го целото работно искуствоФирма, позиција, години и што точно си работел.
  • Наведи возачка и дозволиБ категорија, виљушкар, заварување. Често одлучуваат.
  • Биди искрен за јазикотНивото на германски и англиски го проверуваме на разговорот.
  • Стави јасна фотографијаУредна, со светла позадина.
10години вработуваме во Германија
Зошто Posrednik24

Лиценцирана агенција, директен договор

Работиме од 2017 година. Те поврзуваме со работодавач кој те вработува директно, а не преку агенција за привремени вработувања. Таков модел регулативата и не дозволува.

  • Лиценцирана агенција за вработување, лиценца бр. 41
  • Канцеларија во Скопје, присутни сме и во Минхен
  • Кандидати од сите 6 држави на Западен Балкан
  • Помош и по доаѓањето: пријава на адреса, сметка, осигурување
Прашања

Најчести прашања за работна виза за Германија

Дали ми треба диплома за работна виза за Германија?

Не. Со регулативата за Западен Балкан не се бара диплома ниту признавање на квалификација. Исклучок се регулираните занимања, како лекар или медицинска сестра.

Дали морам да знам германски?

Законот не бара сертификат за јазик. Но повеќето работодавачи бараат основен германски, а за некои работни места е доволен англиски. Со подобар јазик добиваш подобра работа.

Можам ли да поднесам барање без работодавач?

Не. Прво мора да имаш договор или обврзувачка понуда од работодавач во Германија. Затоа првиот чекор е добро CV и разговор со нас.

Колку трае целата постапка?

Зависи од државјанството, од квотата и од термините во амбасадата. Затоа не даваме рок однапред. Ќе ти кажеме каква е состојбата во моментот кога ќе добиеш понуда.

Имам над 45 години. Можам ли да аплицирам?

Да, но при прво барање се бара бруто плата од најмалку 55.770 € годишно (износ за 2026) или доказ за пензиско осигурување.

Можам ли да работам преку агенција за привремени вработувања?

Не. Германската Агенција за вработување не дава согласност за работа како изнајмен работник. Договорот е директно со работодавачот.

Порано сум бил во Германија. Дали е проблем?

Не, ако престојот бил законски. Проблем се надминат престој, работа без дозвола, протерување или забрана за влез. Кажи ни ги сите претходни престои уште на почеток, затоа што амбасадата ги гледа.

Имам бугарски или друг пасош од ЕУ. Ми треба ли виза?

Не. Со пасош од ЕУ работиш во Германија без виза и без оваа постапка. Погледни ги нашите огласи за кандидати со пасош од ЕУ.

Која е разликата со студентската работа?

Студентската работа е само за редовни студенти, најмногу 90 дена во распуст. Регулативата за Западен Балкан е за долгорочна работа со договор и дозвола за престој.

Извор: Германска агенција за вработување – Westbalkanregelung. Последна проверка: ноември 2026. Правилата може да се променат; пред секоја пријава ги проверуваме повторно.

Првиот чекор кон работа во Германија

Регистрирај се и пополни го CV-то како што треба. Ние ти се јавуваме и заедно гледаме кое работно место е за тебе.

Скопје +389 79 332 862 · Минхен +49 178 656 1683